बेपत्ता बस र यात्रु खोज्न यसरी खटेका छन् सुरक्षाकर्मी (फोटो कथा)

चितवन- चितवनको सिमालतालमा लेदोसहितको पहिरोमा परेर शुक्रबार बिहानदेखि त्रिशूली हराइरहेका दुई यात्रु बसको खोजी आइतबार पनि जारी छ ।बिहानैदेखि सुरक्षाकर्मीले उद्धार र खोजी अभियानलाई जारी राखेका हुन् नेपाल प्रहरी, सशस्त्र प्रहरी र नेपाली सेनाको टोलीले आइतबार बिहानदेखि खोजी सुरु गरेका हुन् । नदीमा पानीको सतह केही घटे पनि यात्रु बस अझै भेटिएका छैनन् ।घटनाको तीन दिनपछि आइतबार भरतपुर महानगरपालिका मेयर रेणु दाहाल सिमलताल पुगिन् ।नेपाली सेनाको विपद् व्यवस्थापन गण आँपटाडीले समेत घटनास्थलमा ३ जना गोताखोर खटाएर खोजी गरिरहेको छ ।सशस्त्र प्रहरी बलको कुरिनटारस्थित विपद् व्यवस्थापन तालिम शिक्षालयबाट १० जना गोताखोरसहितका टोलीले चितवनको घुमाउनेबाट खोजी सुरु गरेको छ ।पानीभित्र क्यामरा पठाएर खोज्ने कार्यसमेत सुरु भएको छ । गरेका छन् । क्यामराको प्रयोगले नदीको २० मिटर तलसम्म हेर्ने सकिने शिक्षालयका सहायक समादेशक जनक पुरीले बताए ।त्यसैगरी कुरिनटार क्षेत्रका विभिन्न रेशोर्थारुले पनि खोजी तथा उद्धारमा डुङ्गा परिचालन गरेका छन् ।नारायणगढ मुग्लिन सडकको भरतपुर महानगरपालिका-२९ सिमलतालमा पहिरोमा परेर शुक्रबार बिहान दुई यात्रुबस र करिब ६५ जना त्रिशूलीमा खसेका थिए । जसमा तीनजनाले ज्यान जोगाउन सफल भएका छन् ।

तस्बिरहरू : नेपाल फोटो लाइब्रेरी