आईएमएफले सरकारको कुरा सुन्छ, आन्तरिक नीतिमा हस्तक्षेप गर्दैन

निसन्देहः नेपाल ठूलो सम्भावना भएको देश हो । तर, नेपालले आफ्नो सम्भावनाबाट पूर्णरूपमा लाभान्वित हुन सुधारको गतिलाई तीव्र बनाउनु महत्वपूर्ण छ ।

डा. टिडियान किन्डा अन्तर्राष्ट्रिय मुद्रा कोष (आईएमएफ) को एसिया प्यासिफिक डिभिजनअन्तर्गत डेपुटी डिभिजन चिफ हुन् । अर्थशास्त्रीका रूपमा उनीसँग विभिन्न देशको निगरानी तथा आईएमएफले सहयोग गरेका कार्यक्रम तथा प्राविधिक सहयोगसम्बन्धी अनुभव छ । उनी आईएमएफको कर्मचारी टिमको नेतृत्व गर्दै नेपालको आर्थिक विकास क्रम तथा आईएमएफले सहयोग गरेको कार्यक्रमबारे छलफल गर्न नेपाल आएका थिए ।

त्यही बेला अनलाइनखबरका लागि जनार्दन बरालसँगको अन्तर्वार्तामा किन्डाले नेपालको वर्तमान आर्थिक अवस्था, आईएमएफको सहयोगमा सञ्चालित विस्तारित कर्जा सुविधा (ईसीएफ) बारे आफ्ना धारणा राखे र उनले नेपालको आन्तरिक नीति निर्माणमा आईएमएफको हस्तक्षेप छ भन्ने आरोप पनि खण्डन गरे । किन्डासँग गरिएको अन्तर्वार्ता :