महिला डाक्टरको बलात्कार र हत्या प्रकरणमा उच्च अदालतमा याचिका दायर

कोलकाता उच्च अदालतका न्यायाधीश देबांशु बसक र न्यायाधीश मोहम्मद रशिदीको इजलासले यस मुद्दामा दोषी ठहरिएका सञ्जय रायलाई मृत्युदण्डको सजाय माग गर्दै निवेदन दायर गर्न राज्य सरकारलाई अनुमति दिएको छ । यो याचिका राज्य सरकारको तर्फबाट महाधिवक्ता किशोर दत्तले दायर गरेका हुन् । सोमबार कोलकाताको सियालदह अदालतले मुख्य आरोपी सञ्जय रायलाई आजीवन कारावासको सजाय सुनाएको थियो । न्यायाधीशले राज्य सरकारलाई पीडित परिवारलाई क्षतिपूर्तिस्वरूप १७ लाख रुपैयाँ तिर्न पनि आदेश दिए । मंगलबार मालदामा आयोजित एक कार्यक्रममा बोल्दै ममता बनर्जीले भनिन्, ‘हो, यो एउटा दुर्लभ घटना हो । यो एउटा गम्भीर अनि निकै गम्भीर अपराध हो । यदि कुनै अपराधीलाई बचाइयो भने, उसले फेरि अपराध गर्नेछ । अपराधीहरूलाई संरक्षण गर्नु हाम्रो काम होइन ।’ राज्यकी मुख्यमन्त्री ममता बनर्जीले यस निर्णयप्रति पहिले नै प्रतिक्रिया दिइसकेकी थिइन् ।