चलचित्र ‘जुना’ एक व्यथा ‘ माघ २५ गतेदेखि प्रदर्शनमा, टिजर माघे संक्रान्तिको अवसर पारेर आज रिलिज

अमीर के.सी,काठमाडौँ :-चेतनाको विकासका लागि बाल विवाह, महिला हिंसा, र सामाजिक कुरीतिहरूको अन्त्य गर्ने उद्देश्यले निर्माण गरिएको नेपाली चलचित्र ‘जुना – एक व्यथा’ आगामी माघ २५ गतेदेखि देशभरका सिनेमा हलहरूमा प्रदर्शनमा आउने भएको छ।

दिपक प्रसाद घिमिरेको निर्माण र जीवन सेन्चुरीको निर्देशनमा तयार गरिएको यस चलचित्रले समाजका गम्भीर मुद्दाहरूलाई उजागर गर्दै चेतनाको स्तर उकास्ने लक्ष्य राखेको छ। निर्माण टोलीले यो चलचित्रले दर्शकको मन जित्ने विश्वास व्यक्त गरेको छ।

चलचित्रको टिजर माघ १ गते आज OSR Digital मार्फत सार्वजनिक गरिएको छ। निर्माण पक्षले टिजर हेरेर प्रतिक्रिया दिन आग्रह गर्दै चलचित्रले समाजमा सकारात्मक परिवर्तन ल्याउने आशा व्यक्त गरेको छ।

चलचित्रको छायांकन रामेश्वर हुमागाईले गरेका हुन् भने काठमाडौँ उपत्यकाभित्र वितरणको जिम्मेवारी Rich Entertainment का करण श्रेष्ठले लिएका छन्। उपत्यका बाहिरको वितरणको जिम्मेवारी भने FD कम्पनीले सम्हाल्नेछ।

चलचित्र ‘जुना’ले बाल विवाह र महिला हिंसासँग जस्तो गम्भीर विषयलाई उठाउँदै समाजमा चेतना फैलाउने उद्देश्य राखेको छ। निर्देशक जीवन सेन्चुरी र निर्माण टोलीले यो चलचित्रले समाजमा नयाँ प्रभाव छोड्ने दाबी गरेका छन्।

चलचित्रका विषयवस्तु र प्रस्तुति हेर्ने दर्शकको उत्सुकताबीच अब यसको टिजरले कस्तो प्रभाव पार्छ भन्ने प्रतीक्षा गरिएको छ।

चलचित्र ‘जुना’ एक व्यथाको बारेमा थप जानकारी:

निर्माता: दिपक प्रसाद घिमिरे ,निर्देशक: जीवन सेन्चुरी छायांकन: रामेश्वर हुमागाई टिजर सार्वजनिक मिति: माघ १, OSR Digital

दर्शकहरूलाई सामाजिक चेतनाको यो अभियानमा सहभागी हुन प्रेरित गर्दै निर्माण टोलीले चलचित्रलाई साथ दिन आग्रह गरेको छ।