पेरिस पारालिम्पिक्सको क्वाटरफाइनलमै रोकिइन् पलेशा

पलेशा गोवर्धन पेरिस पारालिम्पिक्सको क्वार्टरफाइनलमा रोकिएकी छन् । पलेशा विश्व नम्बर एक खेलाडी ब्राजिलियन सिल्भाना मायारा कार्डोस फरनान्डेजसँग पराजित हुँदै क्वार्टरफाइनमै रोकिएकी हुन् । प्रतिस्पर्धात्मक खेलमा पलेशा सुरुवाती अग्रता जोगाउन नसक्दा १०-८ को साँधुरो हार भोग्न बाध्य भइन् । के–४४ क्याटगोरीको महिला ५७ केजीमुनि तौल समुहको प्रतिस्पर्धामा सुरुवाती दश सेकेन्डभित्र पलेशाले अग्रता बनाइकी थिइन् ।

खेल सकिन ५६ सेकेन्ड बाँकी रहँदा पलेशा ८-३ ले अगाडी थिइन् । तर बाँकी समयको खेलामा सिल्भानाले एकतर्फी अंक बटुलिन् र १०-८ को जित निकालिन् । ब्राजिलियन सिल्भानाले लगातार सात अंक जोड्दा ६ अंक बडी किक बाट र १ अंक पेनाल्टीबाट थियो । पलेशाले अब रिपाचेजमार्फत् कास्य पदकका लागि प्रतिस्पर्धा गर्नेछिन्।